May 07, 2021 03:50 pm
views : 227
Location : Rangoonwala Hall
Karachi, 19-day calligraphy exhibition under VM Art Gallery at Rangoonwala Hall
کراچی، اپنے رب سےمحبت و عقیدت کا منفرد اظہارخطاطی ایک فن ہی نہیں سعادت بھی ہے ،فن خطاطی ایک فن تحریر ہے جو دنیا کے ہر گوشے اور ہر زبان میں پایا جاتا ہے۔ ہر مصور اپنے فن خطاطی کی مختلف اصطلاحوں کا مختصر مگر جامع تعارف پیش کرتا ہے
جن لوگوں میں ابتداء ہی سے باریک بینی، نفاست، نازکی اورذہانت پائی جاتی ہے ان میں خوش نویس بننے کی صلاحیت دوسروں سے کہیں زیادہ ہوتی ہے۔ آرٹ سے دلچسپی رکھنے والے افراد عام طور پر زیادہ حساس بھی ہوتے ہیں اور خوبصورتی کو بھی بے حد پسند کرتے ہیں۔
ویسے تو مصور کا کام اس کی مہارت کا منہ بولتا ثبوت ہوتا ہے تاہم پاکستانی اور اسلامک کیلی گرافی کے حسین امتزاج سے مرتب کئے جانے والے خوبصورت فن پاوں کی نمائش میں مصور محمد کاشف خان کے فن پاروں کودیکھنےوالوں نے خوب پذیرائی بخشی۔
وی ایم آرٹ گیلری کی جانب سے کراچی کے رنگون والا ہال میں خطاطی کی انیس روزہ نمائش جاری ہے۔ اسلامی فن خطاطی اور خوش نویسی پرمبنی نمائش ہوئی تو ماہر خطاطوں کے شاہکاردیکھ کرشرکا بھی عقیدت کی تصویر بنے رہے۔کیلیگرافی کی نمائش میں رکھے گئے خوبصورت فن پارے شرکا کی دلچسپی کا مرکز بنے رہے۔
منتظمین کے مطابق کیلیگرافی نمائش کا مقصد لوگوں میں اس ہنر کو سامنے لانا ہے کیونکہ بہت کم لوگ خطاطی کے آرٹ کے بارے میں جانتے ہیں حالانکہ یہ بہت قدیم آرٹ ہے بہت سی جگہوں پر اب اس آرٹ کی تربیت دی جارہی ہے اور بہت سے لوگ اب تک اس آرٹ میں مہارت دکھاچکے ہیں۔ بہت سے ممالک میں خطاطی مضمون کے طور پر پڑھایا جاتا ہے۔
اس موقع پر معروف آرٹسٹ محمد کاشف خان کا کہنا تھا کہ ہمارے بچوں اور نوجوانوں کو خطاطی کے آرٹ میں آگے آنا چاہئے کیونکہ اس آرٹ سے ذہنی اور قلبی سکون ملتا ہے۔
معروف آرٹسٹ رخسانہ محمود کا کہنا تھا کہ یہ خطاطی آرٹ بہت قدیم ہے، اس خطاطی سے قرآن مجید لکھا گیا ہے۔
وی ایم آرٹ گیلری کے تحت کراچی کے رنگون والا ہال میں منعقدہ فن پاروں کی نمائش 22 مئی تک جاری رہے گی۔