May 14, 2021 03:58 pm
views : 285
Location : Domestic Place
Islamabad- World Bank has approved Pakistan's assistance for corona vaccination
اسلام آباد، ورلڈ بینک نے کورونا ویکسینیشن کیلئے پاکستان کی امداد کی منظوری دیدی، امداد سے صحت کے نظام اور ویکسینیشن مہم پر عمل درآمد کرنے کی صلاحیت کو تقویت ملے گی
ورلڈ بینک پاکستان میں پینڈیمک رسپانس ایفیکٹونیس ان پاکستان پراجیکٹ کی تنظیم نو کی منظوری دے دی۔
ورلڈ بینک کے بورڈ آف ایگزیکٹو ڈائریکٹرز کی جانب سے پاکستان میں پینڈیمک رسپانس ایفیکٹونیس ان پاکستان پراجیکٹ کی تنظیم نو کی منظوری دی گئی ہے۔ اس کی منظوری اپریل 2020 سے پاکستان میں جاری قومی ویکسین مہم کی مالی معاونت کے لئے وفاقی حکومت کی درخواست پر کی گئی ہے۔
یہ فنڈز عالمی بینک کے اہلیت کے معیار پر پورا اترنے والے محفوظ اور موثر کوویڈ 19 ویکسین کی خریداری اور تعیناتی میں مالی اعانت فراہم کریں گے، اس منصوبے سے صحت کے نظام اور ویکسینیشن مہم پر عمل درآمد کرنے کی صلاحیت کو تقویت ملے گی۔
اس حوالے سے پاکستان میں عالمی بینک کے کنٹری ڈائریکٹر نے کہا کہ کوویڈ 19 کی تیسری لہر مارچ 2021 میں پاکستان میں سامنے آئی، اس سے لاکھوں لوگوں کی جان اور روزگار کو خطرہ ہے عالمی بینک وبائی امراض کے معاشرتی اور معاشی اثرات سے نمٹنے کے لئے پاکستان کو مدد فراہم کرنے کے لئے پرعزم ہے۔