May 16, 2021 02:25 pm
views : 272
Location : Domestic Place
Lahore- Govt decides to move SC against LHC order to remove Shehbaz's name from blacklist
لاہور، سابق وزیر اعلیٰ پنجاب شہبازشریف کا نام بلیک لسٹ سے نکالنے کے فیصلے کیخلاف حکومت نے اپیل تیار کرلی، حکومت کل عدالت عظمیٰ میں درخواست دائر کرے گی
پاکستان مسلم لیگ (ن) کے صدر اور سابق وزیر اعلیٰ پنجاب شہباز شریف کانام بلیک لسٹ سے نکالنے کے معاملے پر وفاقی حکومت نے لاہور ہائیکورٹ کے فیصلے کے خلاف اپیل تیار کرلی ، حکومت کل سپریم کورٹ میں پٹیشن دائر کرے گی۔
لیگل ٹیم کی تیار کردہ پٹیشن کے نکات منظر عام پرآگئے، پٹیشن 1973ء کے آئین کے آرٹیکل 185(3) کے تحت دائر کی جارہی ہے۔ پٹیشن میں کہا گیا ہے کہ کیا معزز فاضل جج کسی متعلقہ محکمے یا حکام کو نوٹس جاری کئے بغیر مدعا علیہ کے حق میں پاکستان سے باہر جانے کی اجازت دے سکتے ہیں؟ آیا کوئی سابق عبوری حکم جو مدعا علیہ کی درخواست پر اثر انداز ہوتا ہو، ایک رٹ پٹیشن جو متنازعہ سوالات پر مبنی ہو، اسے معزز سنگل جج کے ذریعے قانونی طور پر منظور کیا جا سکتا ہے؟
پٹیشن میں بارہ قانونی سوالات اور حقائق بیان کیے گئے ہیں اور لاہور ہائیکورٹ کا فیصلہ معطل کر کے حکم کے خلاف اپیل کی اجازت مانگی گئی ہے۔