پاکستان
نے بھارتی ریاست کرناٹک میں مسلم طالبات کے حجاب پہننے پر پابندی کے اقدام
کی مذمت کی ہے
پاکستان نے بھارتی ریاست کرناٹک میں مسلم طالبات کے حجاب پہننے پر پابندی کے اقدام کی مذمت کی ہے۔ بھارتی ناظم الامور کی وزارت خارجہ میں طلب کر کے اس اقدام پر حکومت پاکستان کی شدید تشویش اور مذمت سےآگاہ کیا گیا۔
ترجمان دفتر خارجہ عاصم افتخار کے مطابق بھارتی ناظم الامور کو پاکستان کی گہری تشویش سے آگاہ کیا گیا اور زور دیا وہ بھارتی حکومت کو پاکستان کے تحفظات بارے آگاہ کریں۔ ترجمان کا کہنا تھا بھارت میں منفی دقیانوسی تصورات اور امتیازی سلوک جاری ہے، بی جے پی قیادت کی خاموشی اور ہندوتوا کے حامیوں کے خلاف قابل فہم کارروائی کی عدم موجودگی پر تشویش ہے۔
پاکستان مسلم لیگ(ن) کی نائب صدر مریم نواز نے بھارتی ریاست کرناٹک کے کالج سے شروع ہونے والے حجاب تنازع پر انتہا پسند ہندوؤں کے سامنے 'اللہ اکبر' کا نعرہ بلند کرنے والی بہادر بیٹی مسکان کو خراج تحسین پیش کردیا ہے۔
مریم نواز نے مسکان کی تصویر اپ لوڈ کرتے ہوئے کیپشن میں لکھا کہ نیو پروفائل پکچر ۔