وزیراعظم
عمران خان کی قوم اور امتِ مسلمہ کو شبِ برات کی مبادکباد،وزیراعظم عمران
خان نے قوم کو مبارکباد دیتے ہوئے کہا اللہ پاک ہم پر رحم فرمائیں اور ہمیں
امن و خوشحالی سے نوازیں، آمین۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر قوم اور امتِ مسلمہ کو شبِ برات کی مبارک دی اور کہا اللہ پاک قوم اور امت پر رحم فرمائیں اور ہمیں امن و خوشحالی سے نوازیں، آمین۔
خیال رہے دنیا بھر میں مسلمان آج رات شب برات عقیدت و احترام سے منائیں گے ، رحمتوں، فضیلتوں اور برکتوں والی شب برات کے موقع پرعبادات اور دعائیں کی جائیں گی
ماہ شعبان کی پندرھویں رات کو عام طور پر شب برات یعنی بری ہونے کی رات کہا جاتا ہے، اس رات مسلمان توبہ کرکے گناہوں سے قطع تعلق کرتے ہیں اور جہنم سے نجات پاتے ہیں ۔
اس رات کو مغفرت کی رات اوررحمت کی رات بھی کہا جاتا ہے، احادیث کی روشنی میں بلا شبہ ماہ شعبان بہت سی فضیلتوں کا حامل ہے، رمضان کے بعد آپ صلی الله علیہ وسلم سب سے زیادہ روزے اسی ماہ میں رکھتے تھے۔