جیسے جیسے وقت گزرتا جائے گا سب چیزیں سامنے آتی جائیں گی، فواد چوہدری
سپریم
کورٹ کے باہر ذرائع ابلاغ عامہ کے نمائندوں سے گفتگو کرتے ہوئے وفاقی وزیر
اطلاعات فواد چوہدری کا کہنا تھا کہ گزشتہ روز پاکستان کی تاریخ کا سب سے
بڑا اجتماع تھا، کل کوئٹہ، چاغی، لاہور، کراچی اور ہر شہر سے لوگ پہنچے،
پاکستان بھر سے آنے والے عوام کا شکریہ ادا کرنا چاہتا ہوں، پہلے ہم نے کہا
کہ عدم اعتماد پر ووٹ ڈالنے والوں کو دس لاکھ لوگوں سے گزر کر جانا پڑے
گا، اب کہتا ہوں 22 کروڑ لوگوں کے اوپر سے گزر کر جانا پڑے گا۔
وفاقی
وزیر نے کہا کہ مولانا فضل الرحمان، آصف زرداری اور نواز شریف پاکستان کے
خلاف کام کر رہے ہیں، لندن میں بیٹھا ایک شخص عالمی اسٹیبلشمنٹ کے ساتھ مل
کر پاکستان کے خلاف سازش کر رہا ہے، عمران خان عالمی اسٹیبلشمنٹ کے مہروں
کے خلاف جنگ لڑ رہے ہیں، یہ سازش عمران خان نہیں پاکستان کے خلاف ہے، جیسے
جیسے وقت گزرتا جائے گا سب چیزیں سامنے آتی جائیں گی، اور حقائق عوام کے
سامنے رکھیں گے۔
فواد چوہدری کا کہنا تھا کہ سندھ ہاوس میں ضمیروں کو
خریدنے کی منڈی لگی ہوئی ہے، پاکستان میں مستحکم پارلیمانی نظام کے فیصلے
کی ضرورت ہے،اگر ایسا نا ہوا تو یہ منڈیاں ایسے ہی چلتی رہیں گی، امید ہے
سپریم کورٹ ان اراکین جو بکے ہیں کو نا اہل کرنے کے حوالے سے فیصلہ دیں گے۔