حکومت کی آئی ایم ایف کی شرائط پر پٹرولیم سبسڈی ختم کرنے کی تیاریاں
اسلام آباد : حکومت آئی ایم ایف کی شرائط پر پٹرولیم مصنوعات پر سبسڈی ختم کرنے کی تیاریاں کررہی ہے ، وزارت خزانہ رواں ہفتے کے دوران سبسڈی ختم کرنے کا پلان تیار کرے گی۔
میڈیا رپورٹ کے مطابق بجلی کے فی یونٹ پردی گئی سبسڈی بھی ختم کئے جانے کا امکان ہے ، آئی ایم ایف سے مذاکرات کے دوران سبسڈی ختم کرنے کا پلان پیش ہوگا۔
ذرائع کے مطابق پاکستان اور آئی ایم ایف کے درمیان مذاکرات 18 مئی سے شروع ہوں گے ، آئی ایم ایف کیساتھ قطر میں 10روز تک مذاکرات جاری رہیں گے، مذاکرات میں آئندہ بجٹ تجاویززیرغورآئیں گی۔
حکومت اسوقت پٹرولیم مصنوعات پر65ارب روپے کی سبسڈی دےرہی ہے ، جس میں پٹرول پر21 ارب اورڈیزل پر 44 ارب روپے کی سبسڈی شامل ہیں۔
پٹرولیم مصنوعات پرسبسڈی مرحلہ وار ختم کئےجانے کا امکان ہے ، پٹرولیم مصنوعات اور بجلی پر سبسڈی ختم ہونے مہنگائی کی شرح بڑھنے کا امکان ہے۔