اسلام آباد، ترک سرمایہ کار پاکستان میں وسیع مواقع سے بھرپور فائدہ اٹھا سکتے ہیں، وزیراعظم کہتے ہیں پاکستان ترک تعلقات سیاسی تبدیلیوں سے بالاتر ہیں، پاکستان کے اصولی موقف ہی حمایت پر ترک قیادت کے مشکور ہیں
وزیراعظم شہباز شریف نے کہا ہے کہ پاکستان اور ترکی کے درمیان تجارتی حجم بڑھانے کے وسیع امکانات موجود ہیں، ترک سرمایہ کار پاکستان میں وسیع مواقع سے بھرپور فائدہ اٹھا سکتے ہیں۔
ترک نیوز ایجنسی کو انٹرویو میں وزیراعظم شہباز شریف نے کہا کہ پاکستان 22 کروڑ عوام کا ملک ہے جو ترک سرمایہ کاروں کیلئے اہم مارکیٹ ثابت ہو سکتی ہے۔ پاکستان اور ترکی باہمی مفادات کےتمام معاملات میں ایک دوسرے کی حمایت کرتے ہیں۔
انہوں نے مزید کہا کہ جموں و کشمیر کے مسئلہ پر پاکستان کےاصولی موقف کی حمایت پر ترک قیادت کے مشکور ہیں۔ پاکستان اور ترکی کے تعلقات سیاسی تبدیلیوں سے بالاتر ہیں۔
واضح رہے کہ وزیراعظم شہبازشریف تین روزہ دورے پر آج ترکی جائیں گے جہاں ان کی صدر طیب اردوان سے ون آن ون ملاقات طے ہے۔ دورے کے دوران دونوں ملکوں میں دو طرفہ امور ، تجارت اور سرمایہ کاری پر مذاکرات ہوں گے۔