Jun 04, 2022 01:25 pm
views : 308
Location : Domestic Place
Lahore- It will take some time but the country will get out of the crisis, Maryam Nawaz
لاہور،
ملک کی معاشی بنیادیں مضبوط کی جارہی ہیں، مریم نواز کہتی ہیں ہمیں عوام
کی تکلیف کا ادراک بھی ہے اور احساس بھی ہے، کچھ وقت لگے گا مگر ملک
بحرانوں سے نکل جائے گا
سماجی
رابطے کی ویب سائٹ ٹویٹر پر ن لیگ کی نائب صدر نے کہا کہ پاکستان تحریک
انصاف کی سابق حکومت کے عالمی مالیاتی ادارے (آئی ایم ایف) سے ظالمانہ
معاہدے آج بھی قوم مہنگے پٹرول اور بجلی کی صورت میں بھگت رہی ہے۔ ہمیں
عوام کی تکلیف کا احساس ہے۔
مریم نواز نے کہا کہ اس مشکل ترین معاشی
صورت حال میں بھی حکومت پوری توجہ، محنت اور لگن سے عوام کو ریلیف فراہم
کرنے کی پوری کوشش کر رہی ہے۔ وزیر اعظم لوڈ شیڈنگ میں کمی کے لیے بھی سر
توڑ کوشش کر رہے ہیں۔ آنے والے دنوں میں بہتری آئے گی۔
عمران خان کی پر
امن احتجاج کی کال پر ن لیگ کی نائب صدر نے مزید لکھا کہ باقی شرپسندی کی
طرح اس کال پر بھی ایک بندہ نہیں نکلا۔عوام نا صرف اس فتنے، تخریب کار اور
بھگوڑے کو جان چکی ہے بلکہ یہ بھی جانتی ہے عمران کی پھیلائی ہوئی تباہی سے
اگر کوئی جماعت پاکستان کو نکال سکتی ہے تو وہ مسلم لیگ ن ہے۔ کچھ وقت لگے
گا مگر ملک بحرانوں سے نکل جائے گا۔