Featured

Jun 28, 2022 05:35 pm views : 226

Location : domestic place

Islamabad- For the first time in the history of the country, the tax collection of FBR reached Rs 6,000 billion

اسلام آباد، ملکی تاریخ میں ایف بی آر کی ٹیکس وصولی پہلی بار چھ ہزار ارب روپے تک پہنچ گئی، ترجمان ایف بی آر نے کہا ہے کہ پہلی مرتبہ اتنے خطیر محصولات جمع ہوئے، گزشتہ ہفتےتک ایف بی آرکی ٹیکس وصولی پانچ ہزارآٹھ سو انتیس ارب تک تھی

ملک کی تاریخ میں پہلی بار  فیڈرل بورڈ آف ریونیو (ایف بی آر) کی ٹیکس وصولی6 ہزار ارب روپے تک پہنچ گئی ہے۔
ایف بی آر کے مطابق گزشتہ ہفتےتک ایف بی آرکی ٹیکس وصولی 5 ہزار829 ارب تک تھی۔
ترجمان ایف بی آر کا کہنا ہےکہ  ملکی تاریخ میں پہلی مرتبہ 6 ہزار ارب روپے سے زائد محصولات جمع ہوئے، سال2021-22 کے لیے مقرر  ابتدائی ہدف 5 ہزار  829 ارب روپے گزشتہ ہفتے حاصل کیا تھا۔
ترجمان ایف بی آر کے مطابق رواں مالی سال انکم ٹیکس کی مد میں2 ہزار 205  ارب اکھٹے کیے گئے، سیلز ٹیکس کی مد میں 2 ہزار 773 ارب روپے اور کسٹمزڈیوٹی کی مد میں1007 ارب روپے اکٹھے کیےگئے۔
ترجمان نے مزید بتایا گیا کہ ایف بی آر 30 جون2022 تک 6100 ارب روپے کے ٹیکس محصولات ہدف کے لیے پرعزم ہیں۔