Jul 01, 2022 06:45 pm
views : 242
Location : domestic place
Islamabad- Assemblies have surrendered their autonomy, Raza Rabbani
اسلام
آباد، اسمبلیاں اپنی خود مختاری سرینڈر کرچکی ہیں، رضا ربانی کہتے ہیں
پاکستان کی حکمران اشرافیہ نے پہلے ہی پارلیمنٹ کو غیر فعال،صوبائی
اسمبلیوں کو ربڑ اسٹیمپ بنادیا،سویلین سرکاری عہدیدار آئین کی دانستہ خلاف
ورزی کر رہے ہیں
پاکستان
پیپلز پارٹی کے سینئر رہنما، سابق چیئرمین سینیٹ میاں رضا ربانی نے کہا ہے
کہ پارلیمنٹ اور صوبائی اسمبلیاں اپنی خود مختاری سرینڈر کر چکی ہیں۔
اسلام
آباد سے جاری بیان میں رضا ربانی نے کہا کہ ایوان کی اندرونی کارروائی پر
اب عدلیہ انہیں ہدایات دے رہی ہیں، اب خود کے سوا کسی کو قصور وار نہیں
سمجھا جا سکتا۔
پی پی رہنما نے مزید کہا کہ سویلین سرکاری عہدیدار آئین
کی دانستہ خلاف ورزی کر رہے ہیں، ہمیں ایسی نہج پر پہنچا دیا گیا جہاں
ایوان کی کارروائی عدالتی لائنز پر چل رہی ہے۔
اُن کا کہنا تھا کہ سیاسی
جماعتوں نے اپنی جو جگہ گنوائی وہ ہماری زندگیوں میں بحال نہیں ہوسکے گی،
عدالتی مداخلت ایوان کی اندرونی کارروائی میں مدد نہیں کر رہی۔
میاں رضا
ربانی نے یہ بھی کہا کہ سیاسی جماعتیں نقصان سے قبل اپنی آنکھوں سے پٹیاں
ہٹائیں، پارلیمان اور صوبائی اسمبلیاں کہہ رہی ہیں کہ ہمیں سانس لینے دیں