Jul 15, 2022 03:55 pm
views : 296
Location : domestic place
Islamabad- Govt to launch crackdown against defamatory social media content
اسلام
آباد، سوشل میڈیا پر توہین آمیز مواد اور کردار کشی کرنے والوں کیخلاف
کریک ڈاؤن کا فیصلہ، وفاقی وزیر داخلہ کہتے ہیں شہریوں کی کردار کشی کے
ذریعے ساکھ خراب کرنا کسی صورت قابل قبول نہیں
وفاقی
وزیر داخلہ رانا ثنا اللہ کی زیر صدارت اجلاس میں سوشل میڈیا پر توہین آمیز
مواد شیئر کرنے اور دوسروں کی کردار کشی کرنے والوں کے خلاف کریک ڈاؤن کا
فیصلہ کیا گیا ہے۔
وزیر داخلہ رانا ثنا اللہ کی زیر صدارت اجلاس ہوا جس
میں وفاقی سیکرٹری داخلہ، آئی جی پنجاب، ڈی جی ایف آئی اے اور قائم مقام
چیئرمین نادرا خالد لطیف سمیت دیگر حکام شریک ہوئے۔
اجلاس میں سوشل
میڈیا پر شہریوں کی ہراسانی اور غیر اخلاقی ویڈیوز اپلوڈ کرنے کے معاملات
کا جائزہ لیا گیا۔ اس کے علاوہ اجلاس میں بلیک میلنگ اور شہریوں کی کردار
کشی سے متعلق معاملات کا بھی جائزہ لیا گیا۔
اجلاس میں سوشل میڈیا پر
غیر اخلاقی مواد کی تشہیر، شہریوں کو ہراساں کرنے اور کردار کشی کے ذریعے
ان کی ساکھ خراب کرنے والوں کے خلاف کریک ڈاؤن کا فیصلہ کیا گیا۔
ہراسانی
اور کردار کشی کے معاملے پر پیکا 2016 میں ضروری ترامیم لانے کے لیے ورکنگ
گروپ تشکیل دینے کا فیصلہ کیا گیا، ورکنگ گروپ تمام اسٹیک ہولڈرز سے
مشاورت اور اتفاق رائے کے بعد سفارشات مرتب کرے گا۔
وزیرداخلہ رانا ثنا
اللہ نے سائبر کرائم میں ملوث افراد کے خلاف سخت اور فوری ایکشن لینے کی
ہدایت کرتے ہوئے کہا کہ توہین آمیز مواد اور شہریوں کی کردار کشی کے ذریعے
ساکھ خراب کرنا کسی صورت قابل قبول نہیں ہے۔