Nov 06, 2017 02:47 pm
views : 586
Location : Naitonal Assembly Chamber
Islamabad- Speaker National Assembly meets Chairman of the state Duma Committee
اسلام آباد،روس کی اسٹیٹ ڈوما کمیٹی برائے انٹر نیشنل افیئرز کے چیئر مین کیاسپیکر قومی اسمبلی سے ملاقات
روس کی اسٹیٹ ڈوما کمیٹی برائے انٹر نیشنل افیئرز کے چیئر مین نےاسپیکر
قومی اسمبلی سردار ایاز صادق سے ملاقات کی،ملاقات میں دوطرفہ تعلقات اور
باہمی دلچسپی کے امور پر تبادلہ خیال کیا گیا۔
اس موقع پر اسپیکرسردارایاز صادق نے کہا کہ پاکستان روس کے ساتھ اپنے
تعلقات کو بڑی قدر کے نگاہ سے دیکھتا ہے،پاکستان اپنے قریبی دوست ممالک کے
ساتھ تعلقات کو مزید مضبوط اور مستحکم بنانا چاہتا ہے۔
اس پیکر قومی اسمبلی نے کہا کہ پاکستان کی پارلیمان اور عوام روس کے ساتھ
اپنے علاقائی ترقی،تجارتی واقتصادی تعاون کو مزید وسعت دینے کے خواہاں
ہیں،علاقائی و اقتصادی ترقی کے اہداف کو حاصل کرنے کے لیے دوست ممالک کے
پارلیمانوں کے درمیان پارلیمانی وفود کا تبادلہ ہونا ضروری ہے۔
سپیکر قومی اسمبلی نے کہا کہ پاک،چین اقتصادی راہداری پورے خطے کے لیے گیم
چینجر کی اہمیت رکھتا ہے جس سے خطے کی عوام مستفید ہونگے،پاک،چین اقتصادی
راہداری روس سے ہوتی ہوئی وسطی ایشیائی ممالک کی تجارتی منڈیوں تک رسائی کو
ممکن بنائی گی ۔
ایاز صادق نے کہا دہشتگردی خطے کی ترقی کے لیے سب سے بڑا خطرہ ہے جس کے لیے
تمام ممالک کو مشترکہ حکمت عملی اپنانے کی ضرورت ہے،قومی اسمبلی آف
پاکستان دسمبرمیں کانفرنس کا انعقاد کر رہی ہے جس میں چین ،روس ،ترکی ،
ایران اور افغانستان کے سپیکر ز شرکت کریں گےکانفرنس میں خطے میں بڑ تی
ہوئی دہشتگردی اور اس کے روک تھام وقریبی رابطوں کومضبوط بنانے پر غور کیا
جائے گا۔
روسی چیئر مین کمیٹی برائے انٹرنیشنل افیئرز لیونڈ سلٹسکی نے کہا کہ روس
پاکستان کے ساتھ اقتصادی ، دفاعی ، تجارتی اور دیگر تمام شعبوں میں تعاون
کو فروغ دینے کا خواہاں ،پاکستان نے دہشتگردی کے خلاف جنگ میں بے پناہ
قربانیاں دی ہیں جسے دنیا فراموش نہیں کر سکتی ۔