اسلام آباد:بھارتی وزیر خارجہ نے کرتارپور بارڈر کی افتتاحی تقریب میں شرکت سے معذرت کرلی
بھارتی وزیرخارجہ نے شاہ محمودقریشی کی دعوت پر ان کا شکریہ اداکرتے ہوئے کہا ہے کہ وہ مصروفیات کےباعث تقریب میں شرکت نہیں کرسکتیں۔اب بھارت کا دو رکنی وفدکرتارپوربارڈرکی افتتاحی تقریب میں شریک ہوگا، ہرسیمرات کوربادل، مسٹر ایچ ایس پوری بھارت کی طرف سے شرکت کریں گے۔
قبل ازیں شاہ محمود قریشی نے اپنے ٹویٹ میں کرتار پور بارڈر کے سنگ بنیاد کی تقریب میں سشما سوراج کو شرکت کی دعوت دی تھی. وزیر خارجہ شاہ محمود قریشی نے کہا تھا کہ میں بھارتی وزیر خارجہ سشما سوراج، پنجاب کے وزیر اعلیٰ ارمیندر سنگھ اور نوجوت سنگھ سدھو کو 28 نومبر کو تقریب میں شرکت کی دعوت دیتا ہوں، ہمارا مثبت طرزعمل اور خلوص نیت پوری دنیا کے سامنے ہے