Oct 18, 2019 07:30 pm
views : 315
Location : Domestic place
Lahore- Shehbaz Sharif Lead The Azadi March,Rana Sana
لاہور،فضل الرحمان کے مارچ کی قیادت پارٹی صدر شہبازشریف ہی کریں گے،رانا ثنا اللہ
مسلم لیگ ن کے رہنما رانا ثناءاللہ نے کہاہے کہ مولانا فضل الرحمان کے مارچ کی قیادت پارٹی صدر شہبازشریف ہی کریں گے ۔
لاہور کی انسداد دہشت گردی کی عدالت میں پیشی کے موقع پر میڈیا سے غیر رسمی گفتگو کرتے ہوئے رانا ثناءاللہ نے کہا کہ آزادی مارچ کا فیصلہ اٹل ہے اس پر سب کو عمل کرنا ہے اور شہباز شریف آزادی مارچ کی قیادت کریں گے، تمام اضلاع سے (ن) لیگ کے ورکرز آزادی مارچ میں شریک ہوں۔انہوں نے کہا کہ سب سے زیادہ انتقام کا نشانہ شہبازشریف کو بنایا گیا ہے، پارٹی کی تنظم نوکا کام مکمل کرلیا گیا ہے۔
لیگی رہنما کا کہنا تھا کہ سرمایہ کار آج کاروبار اور یونٹ بند کرکے بھاگ رہے ہیں اور تمام فیکٹریاںملک سے باہر جا رہی ہیں۔
واضح رہے کہ انسداد منشیات کی خصوصی عدالت میں رانا ثناء اللہ کے خلاف کیس کی سماعت ہوئی،انسداد منشیات کی خصوصی عدالت نے ممبر قومی اسمبلی رانا ثناء اللہ کے جوڈیشل ریمانڈ میں 2 نومبر تک توسیع کر دی۔