ابوظہبی، پولیس نےغیر ملکی کو لوٹنے والے جعلی سی ڈی آئی افسر کو گرفتار کرلیا
http://www.tnnasia.tv
اماراتی پولیس نے سی آئی ڈی افسر کی حیثیت سے غیر ملکی مزدور کو لوٹنے بہہ روپیے کو گرفتار کرکے عدالت میں پیش کردیا۔
متحدہ عرب امارات کی ریاست دبئی میں پولیس نے ایک شخص کو گرفتار کیا ہے جو خود کو پولیس کے خفیہ ادارے سی آئی ڈی کے افسر ہونے کا دعویدار تھا اور شہریوں و غیر ملکی ملازمین کو لوٹتا تھا۔
مقامی میڈیا کا کہنا ہے کہ ایک شخص نے سی آئی ڈی افسر کی حیثیت سے بنگلا دیشی ملازم کو گاڑی میں زبردستی بھٹایا اور کچھ فاصلہ طے کرنے کے بعد اس سے 3 ہزار درہم اور دوموبائل لوٹ کر فرار ہوگیا۔
پراسیکیوشن کے مطابق ملزم پر خود کو خفیہ سیکیورٹی اہلکار ظاہر کرنے اور ڈکیتی واردات کرنے کا مقدمہ بر دبئی پولیس اسٹیشن میں متاثرہ شخص کی درخواست پر درج کیا گیا تھا۔
بنگلادیشی ملازم نے دعویٰ کیا تھا کہ وہ چہل قدمی کرتا ہوا جارہا کہ ملزم نے مجھے زبردستی گاڑی میں گھسیٹا اور کچھ فاصلے پر جاکر مجھ سے دو موبائل فون اور تین ہزار لوٹ لیے، میرے سوال کرنے پر اس نے بتایا کہ وہ سی آئی ڈی افسر ہے اور جائے وقوعہ سے نکل گیا۔
پولیس نے مدعی کی درخواست پر مقدمہ درج کیا اور گاڑی کے پیلٹ نمبر سے ملزم کو تلاش کرنے میں کامیاب ہوئی۔
پولیس کا کہنا ہے کہ وہ گاڑی جو واردات کےلیے استعمال کی گئی ملزم کی بہن کی ہے لیکن چلارہا جعلی سی آئی ڈی افسر رہا تھا جسے اسی کے گھر کے باہر سے گرفتار کیا گیا تھا۔
پولیس افسر نے عدالت کو بتایا کہ سیکیورٹی اہلکاروں کو ملز م کے قبضے سے تین موبائل فون اور بڑی تعداد میں موبائل کارڈز ملے ہیں۔
مقامی خبر رساں ادارے کے مطابق پولیس کو دوران تفتیش دوران معلوم ہوا کہ ملزم اس سے قبل بھی اس طرح کی واردات سرانجام دے چکا ہے۔