اوہایو، حجاب کیوں پہنا! مسلمان ایتھلیٹ مقابلے سے باہر
http://www.tnnasia.tv
امریکی ریاست اوہایو میں 16 سالہ مسلمان ایتھلیٹ نورابوکارام کو حجاب پہننے پر مقابلے کیلئے نااہل قرار دے دیا گیا۔
تفصیلات کے مطابق 16 سالہ مسلمان ایتھلیٹ نورابوکارام کا کہنا ہے کہ حجاب پہننے پر انہیں یہ کہہ کر مقابلے سے باہر کردیا گیا کہ ان کا لباس ریس میں حصہ لینے کے قواعد وضوابط کے خلاف ہے۔
برطانوی نشریاتی ادارے کے مطابق 16 سالہ مسلم ایتھلیٹ نور ابوکارام کے مطابق حجاب پہننے پر انہیں کہا گیا کہ ان کا لباس ریس میں حصہ لینے کے قواعد و ضوابط کے خلاف ہے۔
مسلم ایتھلیٹ نے سوشل میڈیا کی ویب سائٹ فیس بک پر اپنی پوسٹ میں لکھا کہ وہ ہمیشہ سے سیلوانیا نارتھ ویو اسکول ٹیم کی نمائندگی کرتی آ رہی ہیں کبھی بھی ان کے حجاب کی وجہ سے مسئلہ نہیں بنا۔
نورابوکارام نے کہا کہ سرکاری انتظامیہ اور ان کی ٹیم معائنہ کرنے کے لیے آئی، اس وقت بھی انہیں حجاب کے حوالے سے کچھ نہیں کیا گیا۔
مسلم ایتھلیٹ نے کہا کہ جب انہوں نے 5 کلو میٹر کی دوڑ کو عبور کیا تو وہ یہ دیکھ کر حیران رہ گئیں کہ اسکور بورڈ پر ان کا نام موجود نہیں تھا۔
انہوں نے کہا کہ اوہایو ہائی اسکول ایتھلیٹک ایسوسی ایشن نے آئندہ مذہبی قواعد وضوابط میں چھوٹ دینے پر نظرثانی کی یقین دہانی کرائی ہے۔
یاد رہے کہ گزشتہ سال پینسلوینیا کے شہر فلاڈیلفیا میں باسکٹ بال کی 16 سالہ کھلاڑی کو حجاب پہننے پر کھیل چھوڑنے کا کہا گیا۔